Jose Mourinho birti ansi skemmtilega færslu á Instagram í gær þar sem hann tjáði sig á ákveðinn hátt um ‘Arteta’ málið stóra.

Mikel Arteta, stjóri Arsenal, var gagnrýndur heiftarlega um síðustu helgi eftir sigur liðsins á Liverpoo, 3-1.

Arteta fagnaði þar að hætti Jurgen Klopp, stjóra Liverpool, og vilja margir meina að hann hafi einfaldlega verið að strá salt í sárin fyrir Klopp.

Mourinho er svo sannarlega ekki rólegur eftir sigurleiki og er oft mjög æstur eftir að hans lið tryggja sér þrjú stig.

Portúgalinn skrifaði við færsluna: ‘Hvað finnst mér um þjálfara sem fagna sigurleikjum? Ég vil ekki tjá mig,’ skrifaði Mourinho og vitnaði þar í gömul ummæli sem hann lét falla á sínum tíma.

Mourinho birti einnig margar myndir þar sem má sjá hann fagna sigrum sinna liða.