Mauricio Pochettino, stjóri Chelsea, útilokar ekki að félagið muni framlengja við hinn 39 ára gamla Thiago Silva.

Silva er svo sannarlega kominn á aldur í boltanum en fær enn reglulega að spila fyrir Chelsea.

Silva hefur yfirleitt staði fyrir sínu í London og binda margir vonir við það að samningurinn verði framlengdur.

Aldurinn er ekki eitthvað sem Pochettino er að hugsa um og segir að Silva sé í sömu stöðu og aðrir leikmenn.

,,Allir leikmennirnir eru í sömu stöðu og hann, við skoðum frammistöðu þeirra og tökum ákvörðun,“ sagði Pochettino.

,,Hann er ekki í neinum sérflokki, ég er ekki að horfa á vegabréf leikmannsins eða aldurinn.“