Eiginkonur enskra landsliðsmanna eru að undirbúa sig fyrir ferð til Þýskalands í sumar er EM þar í landi hefst.

Lokakeppnin fer fram í Þýskalandi en ljóst er að England verður eitt af þeim liðum sem tekur þátt.

Það er venjulega nóg til hjá knattspyrnustjörnum og ætla eiginkonurnar að láta vel um sig fara og verða margar saman á hóteli.

Sun greinir frá þessu en þar eru makar Jordan Pickford, Jack Grealish, Luke Shaw og Harry Kane nefndar til sögunnar.

Samkvæmt þessari frétt mun hver nótt kosta yfir 300 þúsund íslenskar krónur á mann sem er engin smá upphæð.

Þær munu þurfa að gista á nokkrum hótelum á meðan keppnin fer fram en að meðaltali verður borgað á milli 300 og 400 þúsund krónur á nótt.