Óskar Hrafn Þorvaldsson þjálfari Breiðabliks segir að þjálfarateymi Víkings hafi hagað sér eins og fávitar allan leikinn í kvöld. Blikar jöfnuðu 2-2 gegn Víkingum með tveimur mörkum í uppbótartíma í kvöld.

Víkingur hafði 0-2 forystu en Gísli Eyjólfsson og Klæmint Olsen jöfnuðu leikinn. Komið var vel fram yfir uppgefin uppbótartíma þegar Klæmint jafnaði,

„Ég súmera þetta upp sem leik sem við vorum með yfirburði allan leikinn en gáfum tvö mörk. Við gerðum jafntefli en hefðum átt að vinna þennan leik. Mér fannst við mikið betri,“ sagði Óskar Hrafn í beinni á Stöð2 Sport eftir leik.

Arnar Gunnlaugsson þjálfari Víkings sagði liðið sitt miklu betra að leik loknum. „Ég vet ekki á hvaða leik hann var að horfa, ef þeir vinna ekki leikinn þá eru þeir alltaf betri. Ég er ósammála því en virði þá skoðun,“ sagði Óskar.

Sölvi Geir Ottesen aðstoðarþjálfari Víkings var rekinn upp í stúku eftir jöfnunarmark Blika og svo sauð allt upp úr eftir leik.

„Mér fannst þeir haga sér eins og fávitar allan leikinn á bekknum, svo endar þetta svona. Það er ekkert nýtt, þeir hafa alltaf verið svona. Þetta er þeirra leið, það er hiti á milli þesasra liða. Mér fannst við undir í barátunni í fyrri hálfleik, fótboltalega séð var bara eitt lið á vellinum. Það er óþægilegt fyrir þá að vita af okkur á eftir þeim,“ sagði Óskar sem óttast ekki eftirmál

„Það held ég ekki, það sem gerðist á vellinum er á vellinum. Það eru engir eftirmálar af minni hálfu, það er hiti í þessu. Það skiptir Víkinga máli hvort þeir séu átta stigum á undan okkur eða fimm,“ sagði Óskar.