Sparkspekingarnir, Benedikt Bóas Hinriksson og Tómas Þór Þórðarson segja vera orðnir þreyttir á því að Hermann Hreiðarsson, þjálfari ÍBV fari að ræða um dómarann eftir tapleik.

ÍBV tapaði gegn FH á heimavelli í síðustu umferð Bestu deildarinnar en þetta var annað tap liðsins á heimavelli í röð. Eftir tapið gegn FH og gegn Víkingi hefur Hermann rætt dómgæsluna eftir leik.

Hermann og félagar sitja í fallsæti eftir tapið og stefnir í langt sumar í Vestmannaeyjum.

„Ég er leiður á Hemma Hreiðars, hvernig hann kemur í viðtöl eftir leiki ógðslega æstur og talar um að dómarinn sé með allt niður um sig. Bara þegiðu, ég nenni ekki að hlusta á þetta,“ segir Benedikt Bóas, fyrrum blaðamaður á Fréttablaðinu sáluga í Innkastinu á Fótbolta.net.

„Horfðu inn á við og slakaðu á, í alvöru,“ sagði Benedikt einnig.

Tómas tekur í sama streng. „Ég er alveg sammála, þetta er rosa þreytt leik eftir leik eftir leik. Þetta jafnar sig allt út á endanum, þeeir eru að fá heimskuleg mörk á sig, léleg mörk,“ segir Tómas

Um var að ræða annan leikinn í röð sem Eyjamenn fá rautt spjald.