fbpx
Þriðjudagur 21.mars 2023
433Sport

Allt fór í háaloft þegar umdeilda atvikið í Breiðholti var rætt – „Dr. Mæk veit allt um heilahristing, Dr. Bullshit eins og ég myndi kalla þig“

433
Fimmtudaginn 23. febrúar 2023 09:24

Ekki missa af Helstu tíðindum dagsins í pósthólfið þitt

Lesa nánar

„Förum aðeins í þetta beef, það kemur mynd á Fótbolta.net af Gísla Eyjólfs að gefa ljósmyndara þeirra puttann. Hafliði Breiðfjörð, framkvæmdarstjóri, ekki sáttur við þessa hegðun og lætur gamminn geisa,“ segir Ríkharð Óskar Guðnason stjórnandi Þungavigtarinnar um málefni Gísla Eyjólfssonar, leikmanns Breiðabliks.

Gísli fékk heilahristing í leik gegn Leikni á þriðjudag í kjölfarið gaf hann ljósmyndara Fótbolta.net fingurinn og lét hana heyra það. Frétt Fótbolta.net í kjölfarið varð til þess að Breiðablik sendi frá sér yfirlýsingu og fordæmdi skrif miðilsins.

„Flosi Eiríksson, formaður knattspyrnudeildar, lætur hann aðeins heyra það. Biðst afsökunar og skítur til baka, sumir segja að þetta sé aum afsökunarbeiðni. Er þetta ekki stormur í vatnsglasi?,“ segir Ríkharð í Þungavigtinni.

Meira:
Segja farir sínar ekki sléttar af samskiptum við Gísla – ,,Veittist hann með fúkyrðum og merkjasendingum að Jónínu“

Kristján Óli Sigurðsson, fyrrum leikmaður Breiðabliks og sérfræðingur þáttarins tók þá til máls.

„Þetta skiptir engu máli, Gísli man ekki eftir atvikinu. Þetta er nákvæmlega þannig, Hafliði er í stríði við Breiðablik og hefur verið lengi. Ég veit ekki á hvaða vegferð hann er gegn velgengni Blika,“ segir Kristján Óli.

Mikael Nikulásson hinn sérfræðingur þáttarins segir höfuðhögg varla afsaka hegðun Gísla. „Ég geri mér grein fyrir því, að það er hægt að fá slæm höfuðhögg og muna ekki neitt. Ég hef aldrei séð einhvern fá höfuðhögg og gefa puttann með svip. Alltaf sér maður eitthvað nýtt og þá er hægt að nota það sem afsökun, ef hann veit ekki í þennan heim eða annann þá veit ég ekki hvað menn geta gert. Ég er ekki að stressa mig á þessu, ég vil sjá Gísla Eyjólfsson gera aðeins meira á vellinum. Hann er frábær leikmaður en féll aðeins í skuggann á nokkrum í fyrra, hann var fínn í fyrra en þarf að vera einn af mönnum mótsins í sumar,“ segir Mikael

Kristján Óli var ekki ánægður með greiningu Mikaels. „Dr. Mæk veit allt um heilahristing, Dr. Bullshit eins og ég myndi kalla þig.“

Ríkharð Óskar vildi hrósa báðum aðilum í lok umræðunnar. „Ég ætla að hrósa báðum aðilum, það er alltaf hlýtt viðmót hjá Breiðablik og Fótbolti.net er að vinna frábært starf fyrir fótboltann á Íslandi,“ sagði Ríkharð.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 11 klukkutímum

Varpa ljósi á þær kröfur sem Tottenham setur eigi að selja Kane

Varpa ljósi á þær kröfur sem Tottenham setur eigi að selja Kane
433Sport
Fyrir 12 klukkutímum

Landsliðsþjálfari Englendinga fundaði með ráðherra og hefur miklar áhyggjur af stöðu mála

Landsliðsþjálfari Englendinga fundaði með ráðherra og hefur miklar áhyggjur af stöðu mála
433Sport
Fyrir 14 klukkutímum

Hákon Arnar framlengir samning sinn við FC Kaupmannahöfn – „Hákon er einn mest spennandi leikmaður sem við höfum séð í Danmörku í mörg ár“

Hákon Arnar framlengir samning sinn við FC Kaupmannahöfn – „Hákon er einn mest spennandi leikmaður sem við höfum séð í Danmörku í mörg ár“
433Sport
Fyrir 14 klukkutímum

Viaplay sýnir leiki A landsliðs karla í knattspyrnu – „Ísland er að fara láta til sín taka í alþjóðlegum bolta á ný“

Viaplay sýnir leiki A landsliðs karla í knattspyrnu – „Ísland er að fara láta til sín taka í alþjóðlegum bolta á ný“
433Sport
Í gær

Draumur Osimhen er að spila á Englandi – Eitt annað lið kemur þó til greina

Draumur Osimhen er að spila á Englandi – Eitt annað lið kemur þó til greina
433Sport
Í gær

Spánn: Barcelona með 12 stiga forskot eftir El Clasico

Spánn: Barcelona með 12 stiga forskot eftir El Clasico
433Sport
Í gær

Stefnir óvænt á Evrópusæti eftir sigur gærdagsins

Stefnir óvænt á Evrópusæti eftir sigur gærdagsins
433Sport
Í gær

Gert grín að goðsögn Manchester United – Keypti ódýra takkaskó

Gert grín að goðsögn Manchester United – Keypti ódýra takkaskó