Það muna ekki allir eftir markverðinum Graham Stack, sem var á varamannabekk Arsenal þegar liðið fór ósigrað í gegnum ensku úrvalsdeildina tímabilið 2003-2004 og varð meistari.
Stack var ansi skrautlegur karakter og rifjar Twitter-reikningurinn The Upshot upp mikið af furðulegum athæfum hans.
Stack var aðeins sextán ára gamall þegar hann kom inn í akademíu Arsenal.
Þegar hann var að stíga sín fyrstu skref í meistaraflokksfótbolta 2002 var hann lánaður til Beveren í Belgíu. Þar réðust fótboltabullur á bandi Antwerp á hann í einum leik en hann kýldi einn þeirra einfaldlega til jarðar. Hinn þorði ekki að veitast að Stack frekar.
Despairing at his mischief, the Gunners send the youngster for a loan spell at sleepy Belgian side Beveren.
But trouble finds him when he riles the infamous Antwerp ultras, causing two fans to invade the pitch and attack him.
He knocks out one before the other retreats. pic.twitter.com/IeZgtCmpvK
— The Upshot (@UpshotTowers) February 2, 2023
Sumarið 2003 sneri Stack aftur til Arsenal og hélt að hann yrði með varaliðinu á komandi tímabili. Allt kom hins vegar fyrir ekki. Markvörðurinn Stuart Taylor var meiddur og Arsene Wenger sagði að Stack yrði varamarkvörður á komandi tímabili, sem Arsenal sigraði eins og áður sagði.
Stack kom sér í fréttirnar í leik á móti Liverpool. Þar var hann á bekknum en fékk sér hamborgara sem var til sölu fyrir utan völlinn fyrir leik. Þar seldi hann einnig ölvuðum stuðningsmanni Liverpool passa sinn á völlinn fyrir 50 pund.
Þessi sami aðili vappaði svo út á völlinn í gegnum leikmannagöngin í seinni hálfleik en var fjarlægður af öryggisvörðum.
Fleiri ótrúlegar sögur eru frá tíma Stack hjá Arsenal. Í eitt sinn varð hann næstum fyrir ofkælingu þegar Ray Parlour veðjaði að hann gæti ekki haft hausinn í ísfötu í eina mínútu. Stack gerði það þó að sjálfsögðu.
Stack átti þó einnig góða tíma hjá Arsenal. Hann tryggði liðinu sigur gegn Rotherham í þriðju umferð enska deildarbikarsins 2003 og var svo auðvitað í hópnum sem vann enska meistaratitilinn um vorið.
Það er óhætt að mæla með fleiri furðusögum af tíma Stack hjá Arsenal í þræðinum hér að neðan.
From banning Mars Bars to spiking their orange juice with creatine, Arsene Wenger ran a tight ship at Arsenal.
But there was one player in his famous Invicibles squad who couldn't be tamed.
Meet the Gucci-flogging, ticket touting enfant terrible: backup keeper Graham Stack…. pic.twitter.com/70MpPH5WVB
— The Upshot (@UpshotTowers) February 2, 2023
Enski boltinn á 433 er í boði 
