Brasilíumaðurinn Hulk skoraði sigurmark Atletico Mineiro gegn Tombense í brasilíska boltanum á dögunum. Það var hins vegar ekki það fréttnæmasta að leik loknum.
Hulk er þekktur fyrir tíma sinn í Evrópu hjá Porto og Zenit. Hann hefur einnig leikið í Kína og Japan, sem og í heimalandinu Brasilíu.
Hulk er þekktur fyrir að vera í svakalegu formi og mjög vöðvamikill.
Eftir sigurinn á dögunum birti Atletico myndband þar sem sýnt var frá því þegar Hulk fór á vigtina fyrir og eftir leik.
Á einhvern ótrúlegan hátt hafði hann misst næstum sex kíló, nánar til tekið 5,7 kíló, á þessum um tveimur tímum sem leikurinn fór fram á.
Fyrir leik var hann 97,6 kíló en eftir hann var hann 91,9.
Hér að neðan má sjá myndbandið sem sýnir þetta. Hulk virkaði fremur hissa á niðurstöðunni.
🔙 Hulk antes do jogo: 97,6 kg
🔜 Hulk depois do jogo: 91,9 kg😅 Será que ele correu muito durante o jogo? O homem é uma máquina em campo! 💪 pic.twitter.com/RtMs3DGRMK
— Atlético (@Atletico) January 30, 2023
