fbpx
Laugardagur 01.apríl 2023
433Sport

Erfiðara að fylgjast með leikmönnunum vegna Covid – „Það eru allir í sömu stöðu þar“

Helgi Sigurðsson
Fimmtudaginn 2. febrúar 2023 19:00

Davíð Snorri Jónasson þjálfar íslenska U-21 árs landslið karla. Getty Images

Ekki missa af Helstu tíðindum dagsins í pósthólfið þitt

Lesa nánar

Íslenska karlalandsliðið í knattspyrnu í flokki 21 árs og yngri dróst í riðil með Dönum, Tékkum, Litháen og Wales í undankeppni Evrópumótsins 2025. Dregið var í dag. Davíð Snorri Jónasson þjálfar Ísland og er spenntur fyrir verkefninu, sem hefst í haust.

„Fyrstu viðbrögðin voru góð. Þetta er spennandi verkefni að takast á við. Við fáum góða leiki við góð lið og það er það sem ég er ánægður með,“ segir Davíð í samtali við 433.is.

Ísland var nálægt því að komast í lokakeppnina sem fram fer í ár en tapaði í umspili, einmitt gegn Tékkum. Ljóst er að breytingar verða á leikmannahópum á milli keppna í ljósi aldurstakmars. „Ég á von á því að það verði breytingar á flestum liðum,“ segir Davíð.

Leikmenn fæddir 2002 og fyrr eru gjaldgengir í undankeppni EM 2025. Það hefur verið erfiðara að fylgjast með leikmönnum á þessu aldursreki undanfarin ár sökum kórónuveirufaraldursins. Evrópumóti U-19 ára og yngri var til að mynda aflýst bæði 2020 og 2021.

„Það eru allir í sömu stöðu þar. Það er kannski erfitt að lesa í það. Stundum getur maður lesið í árgangana með því að skoða hvernig þeir voru í U-17 og svo U-19 en nú er það aðeins erfiðara.“

Davíð þarf að stokka upp í liði sínu að hluta fyrir næstu undankeppni. Hann hefur verið að skoða leikmenn undanfarið, til að mynda í vináttulandsleik gegn Skotum í nóvember, sem vannst 2-1. Þá mætir liðið Írum ytra í lok mars.

„Fyrsta verkefnið hjá þessu liði var að spila í nóvember við Skota. Svo verður U-19 keppnin búin þegar næsta U-21 árs keppnin byrjar þannig leikmenn fæddir 2004 og 2005 geta líka barist um sæti í liðinu. Við verðum með spennandi og skemmtilegt lið.“

Davíð hefur kallað saman lið til æfinga í næstu viku sem aðeins er skipað leikmönnum sem spila hér heima.

„Við erum að skoða leikmenn. Við tókum æfingalotu áður en við fórum út í nóvember. Þá hittumst við með þennan hóp og svo aftur núna. Ég hlakka til að hitta þessa stráka í næstu viku. Það eru sæti í boði fyrir leikinn við Írana,“ segir Davíð Snorri Jónasson.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 5 klukkutímum

Mætti á rándýra bílnum og fékk gríðarlega athygli eftir kvöldmat – Aðeins tíu til í heiminum

Mætti á rándýra bílnum og fékk gríðarlega athygli eftir kvöldmat – Aðeins tíu til í heiminum
433Sport
Fyrir 6 klukkutímum

Enska úrvalsdeildin: Manchester City fór illa með Liverpool

Enska úrvalsdeildin: Manchester City fór illa með Liverpool
433Sport
Fyrir 7 klukkutímum

„Af hverju má þetta ekki vera svona? Hvern erum við að vernda með þessu?“

„Af hverju má þetta ekki vera svona? Hvern erum við að vernda með þessu?“
433Sport
Fyrir 7 klukkutímum

Ákveðinn í að Arsenal eigi ekki séns í titilbaráttunni – ,,Þar fá þeir kennslustund“

Ákveðinn í að Arsenal eigi ekki séns í titilbaráttunni – ,,Þar fá þeir kennslustund“
433Sport
Fyrir 21 klukkutímum

Staðfestir það að hann væri í erfiðleikum með að hafna Bayern Munchen

Staðfestir það að hann væri í erfiðleikum með að hafna Bayern Munchen
433Sport
Fyrir 22 klukkutímum

Svarar goðsögninni sem gagnrýndi hann opinberlega – ,,Þú ert fullur af skít“

Svarar goðsögninni sem gagnrýndi hann opinberlega – ,,Þú ert fullur af skít“
433Sport
Í gær

Liverpool hefur 12 leiki til að bæta upp fyrir tímabilið – ,,Það er svo sárt“

Liverpool hefur 12 leiki til að bæta upp fyrir tímabilið – ,,Það er svo sárt“
433Sport
Í gær

Manchester City sagt vera með eftirmann Haaland tilbúinn – Gæti farið fyrr en búist var við

Manchester City sagt vera með eftirmann Haaland tilbúinn – Gæti farið fyrr en búist var við