Fylkir hefur þegar náð í Guðmund Tyrfingsson frá Selfyssingum og er Rúnar spenntur fyrir því að vinna með honum.
„Hann smellpassar inn í okkar hugmyndafræði. Hann er ákveðinn og duglegur drengur. Ég hef fulla trú á að hann muni standa sig vel fyrir okkur,“ sagði Rúnar um Guðmund í sjónvarpsþættinum 433.is.
Rúnar var einnig spurður út í frekari styrkingar.
„Ég vil styrkja varnarhlutann. Við þurfum að fá okkur framherja og svo kannski fjölhæfa leikmenn. Hvort það gangi upp verður að koma í ljós,“ sagði hann.
„Íslenski markaðurinn er mjög erfiður. Það eru mörg lið að eltast við sömu leikmennina og þá ertu kominn í eitthvað launastríð. Við tökum ekki þátt í því, Fylkir hefur ekkert efni á því. Mér finnst það líka bara rangt, annað hvort vilja menn koma til okkar á okkar forsendum eða ekki. Ef þeir vilja elta peningana koma þeir ekki í Fylki. Það er ekki af því við getum ekki borgað laun. Við erum bara með skynsaman rekstur og menn þurfa að fá borguð launin sín. Það er frekar umgjörðin sem við erum að hugsa um en að borga einhver há laun.“
