Lögreglan í Skotlandi er nú á fullu að skoða atvik sem átti sér mögulega stað í leik Dundee og Rangers í Skotlandi á miðvikudag.

Allt varð vitlaust í þessum leik og var hann stöðvaður í 18 mínútur eftir að flugeldar og blys trufluðu viðureignina.

Skoskir sem og enskir miðlar greina nú frá því að ónefndur maður sé ásakaður um að hafa brotið kynferðislega á 13 ára gamalli stúlku á meðan truflunin átti sér stað.

Ekkert hefur fengist á hreint í þessu máli hingað til en Rangers vann að lokum sannfærandi 5-0 sigur.

Rannsókn stendur yfir en ljóst er að það verður erfitt fyrir myndavélar vallarins að finna þann seka.

Dundee hefur sýnt lögreglunni fullan stuðning og mun hjálpa í rannsókn málsins og hefur gefið frá sér yfirlýsingu sem staðfestir það.