Eggert Gunnþór Jónsson hefur átt í viðræðum við Val um að verða aðstoðarþjálfari liðsins. Frá þessu greinir hann í Þungavigtinni.
Samningur Eggerts við FH er að renna út en hann hefur ekki ákveðið hvað hann ætlar að gera, hvort hann spili eða fara í þjálfun.
„Maður er að slaka á og hugsa um hvað framtíðin er, ég er að fara erlendis í frí og tek tíma til að sjá hvað er best í stöðunni,“ sagði Eggert í Þungavigtinni.
„Ég hef talað við FH og svo eru aðrir möguleikar líka en allt óákveðið þar.“
Um starfið hjá Val segir Eggert. „Það hafa átt sér samtöl þar, ég get staðfest það,“ sagði Eggert en sagði ekkert klárt þar.
Valur leitar að aðstoðarþjálfara eftir að Sigurður Heiðar Höskuldsson sagði upp störfum til að taka við Þór í Lengjudeildinni.
