Gerard Pique, goðsögn Barcelona, er í dag eigandi félags sem ber nafnið FC Andorra sem spilar þó á Spáni en hefur verið staðsett í Andorra.

Andorra hefur spilað heimaleiki sína á vellinum Estadi Nacional sem er þjóðarleikvangur landsliðs Andorra.

Íþróttaráðherra landsins hefur tekið ákvörðun um að félagsliðið Andorra megi ekki spila heimaleiki sína lengur á þeim velli.

Estadi Nacional er eini völlurinn sem er nothæfur í næst efstu deild Spánar og er Pique langt frá því að vera sáttur með ákvörðun Alain Cabanes sem sér um öll íþróttamál landsins.

,,Við höfum fjárfest meira en fjórum milljónum evra í að laga þjóðarleikvanginn svo La Liga leyfi okkur að spila og nú sparkiði okkur út,“ sagði Pique.

,,Það er enginn annar völlur í Andorra sem uppfyllir þau skylirði sem þarf til á næsta ári. Takk fyrir að sparka okkur úr landinu.“

,,Það eina í stöðunni er að færa okkur og breyta nafni liðsins. Til hamingju, Andorra verður nú án atvinnumannafótbolta.“