Jese Rodriguez er sérstakt eintak en hann gerði það gott sem fótboltamaður um tíma á mála hjá Real Madrid.

Ferill Jese eins og hann er yfirleitt kallaður hefur verið á hraðri niðurleið undanfarin ár og lék hann síðast með Sampdoria á Ítalíu.

Árið 2016 samdi Jese við Paris Saint-Germain og var síðar lánaður til liða eins og Stoke og Real Betis.

Spánverjinn hefur þénað vel á sínum ferli sem fótboltamaður og árið 2018 ákvað hann að reyna að eyðileggja fyrir kærustu sinni, Aurah Ruiz.

Ruiz tók þátt í spænsku útgáfunni af ‘Big Brother’ en Jese var mjög bitur eftir að sambandinu lauk og borgaði alls fimm þúsund evrur til að reyna að sparka henni úr þættinum.

Þátturinn virkar þannig að áhorfendur fá að velja hver heldur áfram og hver ekki en Jese hringdi svo sannarlega oftar en einu sinni til að koma í veg fyrir að Ruiz gæti haldið áfram þátttöku.

Ruiz var níundi aðilinn til að fá sparkið í þættinum en sambandsslit þeirra var ekki fallegt og hefur hún sjálf hótað lögsókn og ásakað Jese um að vera slæmur faðir.

Eins furðulega og það kann að hljóma þá eru Jese og Ruiz saman í dag en þau sættust árið 2022 og giftu sig í kjölfarið.