Samkvæmt spænskum fjölmiðlum hefur Vinicius Junior skrifað undir nýjan samning við Real Madrid.
Samningurinn við hinn 22 ára gamla Vinicius er til fjögurra ára og inniheldur svakalega klásúlu. Er hún talin vera upp á 1 milljarð evra.
Samkvæmt fréttum er hún aðallega til að fæla frá félög í Sádi-Arabíu sem gætu heillað Vinicus með himinnháum upphæðum, en fjöldi stjarna hefur auðvitað farið til Sádí undanfarið.
Viðræður við Vinicius hafa hins vegar staðið yfir allt frá því síðasta haust.
Brasilíumaðurinn er afar mikilvægur hlekkur í liði Real Madrid. Frá því hann gekk í raðir félagsins árið 2018 hefur hann skorað 59 mörk og lagt upp 64 í 225 leikjum.
