Ruben Neves leikmaður Wolves er á leið í peningana í Sádi-Arabíu, þar sem hann er að ganga til liðs við Al Hilal.
Fjöldi stjarna úr Evrópuboltanum halda nú til landsins þar sem peningarnir eru miklir.
Neves er aðeins 26 ára gamall og var orðaður við Barcelona. Al Hilal er hins vegar að kaupa portúgalska miðjumanninn.
Viðtal við Neves frá því í síðasta mánuði er afar athyglisvert í ljósi stöðunnar nú.
„Ég vil vera hér en ég hef aldrei falið löngun mína í að spila í Meistaradeild Evrópu,“ sagði Neves eftir leik gegn Everton.
„Fjölskyldan mín elskar að vera hér en í fótbolta þarftu að elta stærstu markmiðin þín.
Ljóst er að með skiptum til Al Hilal mun Neves ekki fá að spila í Meistaradeild Evrópu og ummælin vekja því athygli.
