Hrafnkell Freyr Ágústsson, sérfræðingur Lengjudeildarinnar segir að Leiknir verði að bæta ráð sitt. Ekki sé hægt að spila kampavíns fótbolta án þess að gera það alla leið.
Leiknir tapaði gegn ÍA á heimavelli í fjórðu umferð deildarinnar en Leiknir er aðeins með þrjú stig eftir fyrstu leiki sumarsins.
Um markið sem Viktor Jónsson framherji ÍA skoraði sagði Hrafnkell „Þetta er bara hræðilegt, getur ekki spilað kampavíns fótbolta og setur ekki pressu á boltamenn varnarlega,“ segir Hrafnkell.
Vigfús Arnar Jósepsson er að stýra Leikni á sínu fyrsta ári og virðist í vandræðum með að finna jafnvægi í leik liðsins. „Þetta er ekki nógu gott, gaman að horfa á þá en þeir verða að bæta sig varnarlega og vera sterkari í teig andstæðinganna,“ segir Hrafnkell.
Rætt var um Daníel Inga Jóhannesson ungan leikmann ÍA sem er á leið til Danmerkur en þar spilar bróðir hans Ísak Bergmann Jóhannesson. „Mjög vel, ég myndi segja aðeins öðruvísi en Ísak. Það er meiri kraftur í honum, ég er spenntur að sjá hann fara til Nordsjælland,“ sagði Hrafnkell
