Orla Melissa Sloan, áhrifavaldur í Bretlandi hefur játað því fyrir dómi að hafa verið eltihrellir um nokkurt skeið þegar hún áreitti leikmenn Chelsea í ensku úrvalsdeildinni.
Hún hefur nú einnig verið bönnuð frá versluninni Asda eftir að tekið þar upp myndband að fækka fötum.
Asda er ein af stóru verslunarkeðjunum í Bretlandi en um er að ræða matvöruverslun. Sloan birti myndband af sér þar að dansa léttklædd.
Sloan mætti í vikunni í dómsal þar sem hún játaði því að hafa áreitt þrjá leikmennn Chelsea. Sloan er með tæplega 100 þúsund fylgjendur á Instagram.
Um er að ræða Mason Mount og Ben Chilwell sem eru enn leikmenn Chelsea og Billy Gilmour fyrrum leikmann Chelsea sem nú er hjá Brughton.
Sloan segist hafa sofið hjá Mount í gleðskap sem Ben Chilwell bauð henni í. Hafði hún verið í samskiptum við Chilwell í gegnum Instagram. Mount er enskur landsliðsmaður í knattspyrnu.
Sloan sagði fyrir framan dómara að hún hefði einu sinni sofið hjá Mount en hann hafi svo bundið enda á samskipti þeirra eftir sex mánuði.
Sloan fór þá að áreita Mount og skipti 21 sinni um símanúmer til þess að geta haft samband við Mount. „Ég er hætt að kaupa mat svo ég geti keypt fleiri símanúmer,“ segir Sloan í skilaboðum til Mount.
Mount er sagður hafa óttast að Sloan myndi mæta á æfingasvæði Chelsea þegar hann ætti að svara henni. „Þú verður að biðjast afsökunar, annars vaknar nýr karakter sem er Devil Baby,“ segir Sloan í öðrum skilaboðum.
Áreitið átti sér stað á síðasta ári og játar Sloan því að hafa áreitt Mount frá því í júní á síðasta ári og fram í október. Hún segist hafa áreitt Gilmour frá september og fram í október.
Hún segist svo aðeins hafa áreitt Chilwell í níu daga í október á síðasta ári. Dómur verður kveðinn upp í málinu 20 júní
