Harry Kane framherji og fyrirliði Tottenham hefur gefið viðtal þar sem hann virðist ýja að því að hann verði áfram hjá Tottenham á næstu leiktíð.

Kane telur að Tottenham geti komist í fremstu röð með réttum þjálfara og réttum leikmönnum.

Kane á eitt ár eftir af samningi sínum og hefur mikið verið orðaður við Manchester United. „Þetta hefur verið erfitt tímabil,“ segir Kane í viðtali við Sky Sports.

„Síðustu ár höfum við sem félag ekki verið þar sem við viljum vera, við verðum að taka þetta fyrir innandyra.“

„Við verðum að fara yfir þær kröfur sem við gerum á æfingasvæðinu, það þarf að laga. Þetta var í lagi þegar Mauricio Pochettino var hérna.“