Samir Nasri segir frá hitafundi með Pep Guardiola sumarið 2016 þegar stjórinn var nýlega tekinn við þjálfun Manchester City.
Nasri hafði átt fína spretti með City þegar Guardiola tók við þjálfun liðsins. Það voru endalok Nasri hjá félaginu.
„Ég fór á minn fyrsta fund með honum, hann spurði mig hvað ég vildi gera. Ég sagði að ég væri klár ef hann myndi treysta á mig, hann sagðist treysta á mig og þetta fór allt vel,“ sagði Nasri.
Um var að ræða fyrsta dag undirbúningstímabilsins en skömmu eftir fundinn var Nasri vigtaður og mældur.
„Ég fer á æfingu og það gengur allt vel, hann virkaði ánægður með mig. Næsta dag kallar Guardiola mig á fund og öskrar á mig fyrir þyngd mína.“
„Hann komst að því eftir vigtun degi áður, ég sagði honum að öskra ekki á mig. Ég væri ekki krakki, ég væri 29 ára gamall.“
„Ég fór í frí eftir mjög erfitt tímabil þar sem ég var meiddur og persónulega lífið var í molum líka. Það var mikið í gangi.“
