Hægri bakvörðurinn Hector Bellerin hefur verið á ferð og flugi undanfarin ár og eru líkur á að hann skipti enn einu sinni um félag í sumarglugganum.
Bellerin, sem er 28 ára gamall, er nú á mála hjá Sporting í Portúgal. Hann gekk í raðir félagsins í janúar frá Barcelona.
Spánverjinn hefur hins vegar ekki unnið sér inn fast sæti í liðinu. Hann gerði aðeins saming út þessa leiktíð og fer líklega í sumar.
Bellerin fór aðeins frá Arsenal til Barcelona síðasta sumar en stoppaði stutt við í Katalóníu.
Á síðustu leiktíð var hann á láni hjá Real Betis.
Nú eru miklar líkur á að Bellerin haldi aftur til Betis í sumar. Hann elskaði dvölina hjá félaginu og vill fara þangað aftur.
Bellerin lék alls 239 leiki fyrir aðallið Arsenal, en hann kom upp í gegnum unglingastarf félagsins.
Understand Real Betis are in advanced talks to sign Hector Bellerín on free deal from Sporting at the end of the season 🚨🟢 #RealBetis
Negotiations are progressing to the final stages, as former Barça and #AFC right back is keen on returning to Betis soon. pic.twitter.com/ZAZMT5eLA1
— Fabrizio Romano (@FabrizioRomano) March 28, 2023
