Fjársterkir aðilar frá Katar undirbúa nú stórt og mikið tilboð í Manchester United. Daily Mail sagði frá þessu í gærkvöldi.

Hópurinn samanstendur af mjög fjársterkum aðilum frá Katar og vilja þeir ólmir kaupa félagið.

Segir í frétt Daily Mail að tilboð þeirra til Glazer fjölskyldunnar verði lagt fram á næstu dögum, telja þeir að tilboð þeirra verði það besta sem Glazer fjölskyldan fær.

Því hefur verið velt upp hvort eignarhald Qatar Sports Investment Group á Paris Saint-Germain gæti haft áhrif á hugsanleg kaup nýrra eigenda, sem einnig eru frá Katar. Svo verður hins vegar ekki ef marka má frétt Daily Mail.

Það er vegna þess að hópurinn sem vill kaupa United myndi notast við einkasjóð, ekki ríkissjóð líkt og eigendur PSG.

Segir í frétt Daily Mail að hópurinn frá Katar vilji ausa peningum í leikmannakaup fyrir Erik ten Hag stjóra liðsins, hafi þeir mikla trú á því starfi sem hann er að vinna.

Glazer fjölskyldan vill selja United og er opið fyrir tilboð á næstu vikum. Jim Ratcliffe hefur látið vita að hann vilji kaupa félagið og er búist við að þessi ríkasti maður Bretlands muni leggja mikið á sig til að félagið.