Mason Greenwod er samkvæmt enskum blöðum byrjaður að skoða næstu skref á ferli sínum, óvíst er hvort hann fái að spila aftur fyrir Manchester United.
Greenwood hafði verið ákærður fyrir kynferðisbrot gegn fyrrum unnustu sinni en málið var látið falla niður í síðustu viku.
Frá því að lögregla hóf rannsókn hefur Greenwood ekki fengið að æfa eða spila með United. Félagið skoðar nú málið, gæti félagið tekið þá ákvörðun að rifta samningi hans.
Greenwood þénar 75 þúsund pund á viku til ársins 2025 og þyrfti United að greiða þá upphæð til framherjans sem er 21 árs gamall.
Verði það niðurstaðan segja ensk blöð að Greenwood og hans fólk horfi til þess að hann fari til Kína og spili þar.
Þar getur Greenwood samkvæmt fréttum fengið 50 þúsund pund á viku og eru félög þar í landi sögð áhugasöm um að krækaj í Greenwood. Hann á að baki einn A-landsleik fyrir England en hann var á Íslandi.
