Það er talið að Alejandro Garnacho sé nálægt því að skrifa undir nýjan samning við Manchester United. Munu laun hans fjórfaldast.
Garnacho er aðeins 18 ára gamall en þykir gríðarlegt efni. Hann spilar þegar nokkuð stóra rullu með aðalliði United. Kantmaðurinn hefur spilað 21 leik á þessari leiktíð.
Í dag þénar Garnacho um sjö þúsund pund á viku. Talið er að með nýjum samningi muni Argentínumaðurinn þéna 30 þúsund pund.
Nýi samningurinn gildir til fimm og hálfs árs. Vill United semja við Garnacho sem fyrst. Núgildandi samningur hans rennur út eftir næstu leiktíð og hafa félög á borð við Atletico Madrid, Real Madrid og Juventus sýnt honum áhuga.
Nýjar myndir sem birtust af kappanum koma út af veitingastað í Manchester ýta undir það að eitthvað sé að gerast í samningsmálum. Þar var Garnacho með fjölskyldu sinni og umboðsmanninum sínum, Carlos Cambeiro.
