Gunnhildur Yrsa Jónsdóttir landsliðskona í fótbolta og unnusta hennar, Erin McLeod eru að byrja með æfingar hjá Öspinni.
Gunnhildur og Erin sem reynd landsliðskona frá Kanada eru fluttar til Íslands og hafa báðar samið við Stjörnuna, hafa þær undanfarin ár verið búsettar í Flórída.
Gunnhildur segir frá því á Facebook að æfingarnar séu að fara af stað. „Markmið Íþróttafélagsins Aspar er að standa fyrir íþróttaæfingum hjá félögunum, með sem fjölbreyttustum hætti, þeim til heilsubótar og ánægju og þátttöku í íþróttamótum, þar sem hæfni hvers og eins nýtur sín sem best;“ segir á vef Aspar.
„Ég og Erin vorum að byrja að þjálfa fótbolta hjá Öspinni og hvetjum við sem flesta til að mæta,“ segir Gunnhildur.
„Knattspyrna er liðsíþrótt sem er tilvalin fyrir iðkendur á öllum aldri óháð fötlun. Knattspyrnuiðkun eflir styrk, jafnvægi og samhæfingu en hefur einnig félagslegt gildi og stuðlar að samvinnu einstaklinga. Tekið er þátt í mótum bæði hérlendis sem og erlendis,“ segir Gunnildur.
