Cristiano Ronaldo og Al-Nassr í Sádí Arabíu eru samkvæmt fréttum að íhuga að hunsa það að leikmaðurinn sé í raun og veru í banni.

Ronaldo gekk í raðir félagsins á dögunum og er nú hæst launaði íþróttamaður sögunnar. Portúgalinn þénar 173 milljónir punda á ári þegar auglýsingasamingar og annað er tekið inn í myndina.

Al-Nassr mætir Al Taee í dag en má Ronaldo ekki vera með. Hann fékk tveggja leikja bann frá enska knattspyrnusambandinu nýlega vegna atviks sem átti sér stað í vor.

Þá sló Ronaldo síma úr höndum einhverfs stráks. Atvikið átti sér stað eftir tap Manchester United gegn Everton á síðustu leiktíð.

Samkvæmt fréttum er Ronaaldo og félagið að íhuga að hunsa fyrirmæli og taka sénsinn. Hann gæti fengið lengra bann eða félagið fengið væna sekt.