Quique Setien, fyrrum stjóri Barcelona, hefur lítinn áhuga á því að að ræða Argentínumanninn Lionel Messi.
Messi er nafn sem flestir ættu að kannast við en hann hefur lengi verið einn besti ef ekki besti fótboltamaður heims.
Setien þjálfaði Messi hjá Barcelona á sínum tíma en gengið var ekki gott og var hann fljótt látinn fara.
Samband Messi og Setien var talið mjög viðkvæmt og vildi þessi 63 ára gamli þjálfari lítið tjá sig um málið.
,,Það er sumt sem er óþægilegt, ég vil helst ekki tala um Messi,“ sagði Setien í samtali við blaðamenn.
Setien náði á sínum tíma frábærum árangri með Real Betis en hefur ekki þjálfað síðan hann var rekinn frá Barcelona fyrir tveimur árum.
Messi hefur á meðan yfirgefið spænska félagið og leikur í dag með Paris Saint-Germain.
