Arnar Gunnlaugsson, þjálfari Víkings Reykjavík, og kærasta hans, María Builien Jónsdóttir, eru gestir í nýjasta þættinum af hlaðvarpinu Betri helmingurinn.
Arnar ræddi það meðal annars í þættinum hversu langan tíma það tók hann að reyna við Maríu áður en hún byrjaði með honum. Það tók hann um tíu ár.
„Hann var alltaf eitthvað að hinta, við spjölluðum oft saman og vorum ágætis félagar. Svo dúkkaði hann alltaf upp þegar ég var á lausu. Ég er svona raðsambandsmanneskja,“ segir María í þættinum og Fréttablaðið vekur athygli á.
Arnar segir svo að stundum þurfi að taka skrefið ef maður vill næla í draumadísina. „Ég var orðinn svo þreyttur á þessu eftir tíu ár. Ég man alltaf setningunni, nice girls, vilja bara bad boys. Ég sagði við hana, kannski eftir einhver glös: „Djöfull ertu sexí maður.““