Chelsea hefur samþykkt tilboð RB Leipzig í sóknarmanninn Timo Werner. Sky Sports segir frá þessu.
Werner gekk í raðir Chelsea árið 2020 frá Leipzig, þar sem hann hafði farið á kostum.
Þjóðverjinn hefur þó ekki staðið alveg undir væntingum á Stamford Bridge. Hann hefur skorað 23 mörk í 89 leikjum.
Leipzig mun greiða Chelsea 25,3 milljónir punda fyrir leikmanninn.
Werner hefur verið orðaður við Leipzig undanfarna daga. Sagt var að leikmaðurinn gæti farið á láni. Svo verður hins vegar ekki, hann mun ganga endanlega í raðir þýska félagsins.
🚨 BREAKING 🚨
RB Leipzig have agreed a deal with Chelsea to sign Timo Werner on a permanent deal for £25.3M pic.twitter.com/8ewC9cWRbm
— Football Daily (@footballdaily) August 8, 2022