Ryan Sessegnon, leikmaður Tottenham, óttaðist viðbrögð Antonio Conte ef hann hefði klúðrað sínu dauðafæri gegn Southampton í gær.
Conte er ekkert lamb að leika sér við og er það örugglega ógnandi á tímum að spila undir hans stjórn.
Sessegnon náði að skora í 4-1 sigri á Southampton en hann hafði áður ekki verið réttur maður á réttum stað.
Sessegnon þurfti að bæta upp fyrir það og var Conte í höfðinu á honum áður en markið var skorað.
,,Ef ég hefði ekki skorað þá held ég að stjórinn hefði drepið mig ef ég á að vera hreinskilinn!“ sagði Sessegnon.
,,Aðeins fyrir þetta þá átti Dejan Kulusevski sendingu til baka og ég var mættur of seint og ég vissi að ég mætti ekki gera það aftur.“