Það var svakaleg dramatík í Noregi í kvöld er Lilleström spilaði við Tromsö í úrvalsdeildinni.
Lilleström náði að kreista fram stig úr þessum leik en jöfnunarmarkið var skorað á 94. mínútu í uppbótartíma.
Hólmbert Aron Friðjónsson lagði upp það á markmanninn Mads Christiansen sem reyndist hetjan þar sem senurnar voru ótrúlegar.
Brynjólfur Andersen Willumsson var í byrjunarliði Kristiansund og spilaði allan leikinn í 3-2 tapi gegn Molde.
Patrik Gunnarsson fékk á sig tvö mörk fyrir lið Viking sem gerði 2-2 jafntefli við Sandefjord. Það stefndi lengi í tap hjá Viking sem tókst að jafna metin undir lok leiks.
Í B-deildinni lagði Jónatan Ingi Jónsson upp eina mark Sogndal sem tapaði 2-1 gegn KFUM Oslo.