Það eru fá félög í ensku úrvalsdeildinni sem eru orðuð við jafn marga leikmenn og Chelsea þessa dagana.
Chelsea vill styrkja vörn sína fyrir komandi átök en liðið á líklega eftir að missa enn einn varnarmann í Marcos Alonso í glugganum.
Antonio Rudiger og Andreas Christensen hafa kvatt félagið og þá hefur Kalidou Koulibaly komið frá Napoli sem og Marc Cucurella frá Brighton.
Nú er Chelsea sagt horfa til Southampton og hefur áhuga á að fá bakvörðinn Kyle Walker-Peters sem er 25 ára gamall.
Walker-Peters hefur spilað 82 leiki fyrir Southampton en hann kom til félagsins endanlega frá Tottenham árið 2020.
The Guardian segir að Chelsea hafi mikinn áhuga á Englendingnum og að hann myndi kosta um 30 til 35 milljónir punda.
