Breiðablik 4 – 0 Leiknir R.
1-0 Mikkel Qvist(’32)
2-0 Sölvi Snær Guðbjargarson(’50)
3-0 Gísli Eyjólfsson(’72)
4-0 Dagur Dan Þórhallsson(’87)
Breiðablik vann öruggan sigur í Bestu deild karla í kvöld er liðið spilaði við botnlið Leiknis í Kópavogi.
Mikkel Qvist opnaði markareikning kvöldsins fyrir Blika á 32. mínútu og kom liðinu í 1-0.
Höskuldur Gunnlaugsson gat bætt við öðru mark Blika ekki löngu seinna en klikkaði þá á vítapunktinum.
Sölvi Snær Guðbjargarson, Gísli Eyjólfsson og Dagur Dan Þórhallsson skoruðu hins vegar í síðari hálfleik til að tryggja sannfærandi sigur.
Blikar eru á toppnum eftir 19 leiki með 45 stig, níu stigum á undan KA sem er í öðru sætinu.