Bruno Fernandes er risastórt vandamál hjá Manchester United að sögn fyrrum enska landsliðsmannsins Gabriel Agbonlahor.
Man Utd hefur byrjað tímabilið skelfilega á töpum gegn Brighton og Brentford og er komin töluverð pressa á liðið.
Agbonlahor segir að margir leikmenn Rauðu Djöflana séu gagnrýndir en að Fernandes komist upp með meira en aðrir.
,,Fernandes, síðan hann kom í ensku úrvalsdeildina hefur tölfræðin verið frábær og mörkin og stoðsendingarnar,“ sagði Agbonlahor.
,,Hann lítur hins vegar út fyrir að vera versti liðsfélaginn. Í hvert skipti sem hann eða einhver annar missir boltann þá lyftir hann upp höndun, hann gerir það jafnvel að varamannabekknum.“
,,Ég hef spilað með svona leikmönnum og þú ert brjálaður út í þá. Hann mun pressa af og til en ef þetta væri Paul Pogba þá fengi hann að heyra það í fjölmiðlum. Fernandes kemst upp með morð.“