Liverpool 1 – 1 Crystal Palace
0-1 Wilfried Zaha(’32)
1-1 Luis Diaz(’61)
Liverpool er enn án sigurs í ensku úrvalsdeildinni eftir leik við Crystal Palace á heimavelli í kvöld.
Flestir bjuggust við þægilegum heimasigri Liverpool sem lenti undir á 32. mínútu með marki frá Wilfried Zaha.
Staðan var 1-0 í hálfleik en á 57. mínútu í þeim síðari fékk Darwin Nunez að líta beint rautt spjald hjá heimamönnum.
Nunez skallaði þá Joachim Andersen, varnarmann Palace, og var réttilega sendur í sturtu.
Tíu mönnum Liverpool tókst þó að jafna en það gerði Luis Diaz stuttu eftir rauða spjaldið.
Lokatölur 1-1 á Anfield og er Liverpool nú með tvö stig eftir tvær umferðir.