Sóknarmaðurinn Emmanuel Dennis er við það að ganga í raðir nýliða Nottingham Forest í ensku úrvalsdeildinni. Hann kemur frá Watford.
Forest hefur verið afar virkt á félagaskiptamarkaðnum í sumar.
Félagið hefur boðið 20 milljónir punda í Dennis og Watford hefur samþykkt það. The Athletic greinir frá þessu.
Dennis var öflugur í ensku úrvalsdeildinni á síðustu leiktíð og skoraði tíu mörk og lagði upp sex fyrir Watford í 33 leikjum.
Á þessu tímabili hefur Dennis spilað báða leiki Watford í ensku B-deildinni. Nú er hann hins vegar á förum.
Dennis á að baki sjö A-landsleiki fyrir hönd Nígeríu. Í þeim hefur hann skorað eitt mark.
Enski boltinn á 433 er í boði 
