Ralf Rangnick sem stýrði Manchester United tímabundið lagði það ítrekað til að félagið myndi selja Cristiano Ronaldo í janúar.
The Athletic segir frá en forráðamenn United hlustðu ekki á ráð þjálfarans og héldu í Ronaldo.
Rangnick taldi Ronaldo ekki henta framtíðarplönum United og taldi best að selja hann strax. Nú vill Ronaldo fara en Erik ten Hag er tekinn við sem stjóri liðsins.
United spilar ekki í Meistaradeild Evrópu í ár sem er keppnin sem Ronaldo elskar. Ár er síðan Ronaldo snéri aftur til United.
Ronaldo átti fína spretti á síðustu leiktíð en samherjar hans voru ekki í sama gírnum og átti liðið slakt tímabil.
Ef Ronaldo fer telja veðbankar líklegast að hann fari til FC Bayern, möguleiki er á að hann fari til Chelsea.