FH 0 – 0 Breiðablik

FH fékk kjörið tækifæri í kvöld til að verða annað lið sumarsins til að leggja Breiðablik af velli í Bestu deild karla.

Leikið var á Kaplakrikavelli í kvöld þar sem FH fékk draumabyrjun er Davíð Ingvarsson fékk að líta rautt spjald eftir níu mínútur.

Davíð braut ansi gróft á Ástbirni Þórðarssyni, leikmanni FH, og var sendur í sturtu af dómara leiksins.

Þrátt fyrir að spila nánast allan leikinn manni fleiri tókst FH ekki að koma boltanum í netið og héldu Blikarnir að sama skapi út.

Leikurinn var heilt yfir nokkuð jafn en Blikar taka þessu stigi klárlega og eru á toppnum með sjö stiga forystu.