Kristján Óli Sigurðsson, sparkspekingur Þungavigtarinnar, ræddi gengi KR í þætti hlaðvarpsins sem birtist á fimmtudag.
Það er óhætt að segja að gengi KR sé áhyggjuefni í Bestu deild karla en liðið er í sjöunda sæti deildarinnar með 17 stig eftir 13 leiki.
KR er með -3 í markatölu og gerði 1-1 jafntefli við Fram í síðustu umferð þar sem frammistaðan var ekki merkileg.
Kristján segist ekki muna eftir verra KR liði og er ljóst að eitthvað þarf að breytast í Vesturbænum.
,,Þeir eru ömurlegir og þetta KR lið, maður fer að hugsa fram og til baka, maður man eftir þeim slökum 2001 þar sem þeir voru í fallbaráttu fram eftir móti og svo 2006 gátu þeir ekki neitt heldur. Þetta er lang slakasta lið sem ég man eftir í Vesturbænum,“ sagði Kristján.
,,Þeir voru stálheppnir að fá eitt stig úr þessum leik, markið sem þeir skoruðu var kolólöglegt og Framarar voru bara brjálaðir að fara ekki heim með þrjú stig eins og flest lið sem fara vestur í bæ gera þessa dagana.“
,,Þeir fá falla færi í þessum leik. Maður hélt kannski, þeir fá þarna færi í byrjun seinni hálfleiks að það myndi kveikja einhverja elda þarna en það gerðist ekki neitt.“
,,Þeir eru búnir að vinna einn heimaleik gegn Keflavík og voru stálheppnir.“
Hér má heyra þáttinn í heild sinni þar sem Kristján fer nánar yfir málin.