Franska stórliðið Paris Saint-Germain varð fyrir áfalli í gær er undrabarnið Xavi Simons ákvað að yfirgefa herbúðir liðsins.
Simons hefur lengi verið talinn gríðarlegt efni en búist var við að hann myndi framlengja samning sinn í Frakklandi.
Simons var hluti af aðalliði PSG á síðustu leiktíð og bjóst félagið við að hann myndi framlengja samninginn sem rennur út í dag.
Á síðustu stundu ákvað Simons hins vegar að breyta til og skrifaði undir við hollenska félagið PSV Eindhoven.
Þessi 19 ára gamli leikmaður skrifar undir endanlegan samning í Hollandi sem gildir til fimm ára.
Simons er fyrrum leikmaður Barcelona en hann yfirgaf Spán fyrir Frakkland árið 2019. Hann lék alls sjö deildarleiki fyrir PSG.