Rosenborg hefur staðfest komu Kristals Mána Ingasonar frá Víkingi Reykjavík. Hann skrifar undir samning í Noregi til ársins 2026.
Félagaskiptin hafa legið í loftinu undanfarna daga.
Arnar Gunnlaugsson, þjálfari Víkings, sagði frá því á dögunum að Kristall Máni yrði þó með liðinu út júlí, svo héldi hann út.
„Mér líður vel með að vera hér. Borgin er flott og völlurinn flottur,“ segir Kristall við heimasíðu Rosenborg.
„Það var áhugi frá öðrum hlutum en það kom í raun ekkert annað til greina en Rosenborg.“
Velkommin, Kristall 🇮🇸 🤫 pic.twitter.com/DkSsiwuY6c
— Rosenborg Ballklub (@RBKfotball) July 13, 2022
