Samkvæmt Calciomercato hefur Juventus áhuga á Roberto Firmino, sóknarmanni Liverpool.
Það var greint frá því nýlega að Liverpool hefði áhuga á Adrien Rabiot, miðjumanni Juventus.
Talið er að Juventus vilji fá um 13-17 milljónir punda fyrir Rabiot. Félagið gæti þó einnig skoðað það að fá leikmann í staðinn, til dæmis Firmino.
Naby Keita hefur einnig verið nefndur í þessu samhengi.
Firmino á aðeins ár eftir af samningi sínum við Liverpool og getur því farið frítt frá félaginu næsta sumar. Ljóst er að hann er metinn á töluvert hærri upphæð en Rabiot svo Juventus þyrfti að öllum líkindum að borga aðeins með Rabiot, vilji félagið Firmino.
Brasilíumaðurinn hefur verið á mála hjá Liverpool síðan 2015. Hann hefur skorað 98 mörk í 327 leikjum fyrir félagið.