Aron Einar Gunnarsson hefur skrifað undir nýjan samning við Al-Arabi í Katar en þetta staðfesti félagið í kvöld.
Aron skrifar undir samning út næsta tímabil og fylgir möguleiki um eins árs framlengingu.
Aron hefur leikið með Al Arabi undanfarin þrjú ár en hann kom þangað frá Cardiff árið 2019.
Síðan þá hefur Aron verið fastamaður í byrjunarliði Al-Arabi sem hefur ekki tekist að vinna meistaratitil í Katar síðan 1997.
Aron lék fyrir það með Cardiff í heil átta ár en hann er 33 ára gamall og á að baki 97 landsleiki fyrir Ísland.
Undanfarið ár hefur Aron ekkert leikið með landsliðinu en hann var ákærður fyrir kynferðisofbeldi í Kaupmannahöfn sumarið 2010 ásamt Eggerti Gunnþóri Jónssyni.
Það mál var fellt niður en sú niðurfelling var kærð í lok maí.
تم تجديد عقد المحترف الايسلندي ارون جوناسون حتى نهاية موسم 2023/2022 مع خيار التمديد لموسم إضافي آخر ⚪️🔴 pic.twitter.com/4by8nJ5uUE
— Al-Arabi Sports Club (@alarabi_club) June 30, 2022