Erik Ten hag er til í að selja fimm varnarmenn frá Manchester United í sumar sem allir eru í aukahlutverki. Ensk blöð segja frá.

Sagt er að hollenski stjórinn sé til í að losna við þá Phil Jones, Eric Bailly og Aaron Wan-Bissaka frá félaginu.

Wan-Bissaka kostaði United 50 milljónir punda árið 2019 en hann var mikið á bekknum á liðnu tímabili.

Bailly og Jones eru í aukahlutverki og ekki líklegir til þess að fá nein hlutverk hjá Ten Hag.

Þá eru þeir Brandon Williams og Axel Tuanzebe til sölu eftir að hafa verið á láni á síðustu leiktíð.

United hefur ekki tekist að kaupa neinn leikmann undir stjórn Ten Hag en liðið eltist nú við Frenkie de Jong og Christian Eriksen.