Cristiano Ronaldo framherji Manchester United er sagður áhyggjufullur yfir stöðu félagsins og hversu illa gengur að styrkja liðið. AS á Spáni segir frá.
Samkvæmt frétt AS hefur Ronaldo áhyggjur af því að Manchester City og Liverpool séu að styrkja lið sín á meðan ekkert gerist hjá United.
Erik ten Hag tók við sem knattspyrnustjóri félagsins í maí en félagið hefur ekki keypt neinn leikmann í sumar. Á sama tíma hefur Manchester City keypt Erling Haaland og Liverpool krækt í Darwin Nunez.
Samkvæmt AS hefur Ronaldo efasemdir um vegferð félagsins en það er þó búist við að Ronaldo klári samning sinn hjá United.
Ronaldo kom til United síðasta sumar og var duglegur að skora en United vegnaði hræðilega á tímabilinu.
Enski boltinn á 433 er í boði 
