Zinedine Zidane er ekki nýr stjóri Paris Saint-Germain í Frakklandi en fjölmargir miðlar greindu frá því fyrr í sumar að það yrði raunin.
PSG er að leita að nýjum stjóra en búist er við að Mauricio Pochettino verði sagt upp störfum á næstu dögum.
Christophe Galtier er líklegastur á lista PSG en hann er þjálfari Nice og gerði áður góða hluti með Lille.
Samkvæmt Nasser Al-Khelaifi, forseta PSG, þá hefur félagið aldrei rætt við Zidane sem starfaði síðast hjá Real Madrid.
,,Ég get sagt ykkur einn hlut; við ræddum aldrei við hann, hvorki hann eða hans fólk,“ sagði forsetinn við Le Parisien.
,,Það eru mörg félög sem hafa áhuga á honum og landslið líka en við höfum ekki rætt við hann. Við höfum valið stjóra sem er bestur fyrir okkar verkefni.“