PSG er byrjað að skoða það hvort félagið geti krækt í hinn öfluga Robert Lewandowski í sumar. Framherjinn vill fara frá FC Bayern.
Lewandowski vill helst fara til Barcelona en spænska félagið er að reyna að kaupa pólska framherjann.
Barcelona er hins vegar í fjárhagsvandræðum og gæti átt í vandræðum með að borga 43 milljónir punda sem Bayern vill.
Franskir miðlar segja að PSG skoði nú stöðuna en félagið vill fá inn framherja sem hentar vel með Kylian Mbappe og hentar hans styrkleikum.
Lewandowski er í stríði við forráðamenn Bayern sem vilja ekki selja hann en framherjinn vill ólmur burt frá Þýskalandi.