Arsenal hefur keypt Fabio Vieira frá Porto. Hann gerir langtímasamning.
Vieira er 22 ára gamall og hefur verið á mála hjá Porto frá því 2020. Hann skoraði sex mörk og lagði upp 14 í 27 leikjum í portúgölsku deildinni á síðustu leiktíð.
Talað hefur verið um að Arsenal borgi 35 milljónir evra fyrir leikmanninn strax. Fimm milljónir geta svo bæst við það.
Einhverjir Íslendingar þekkja Vieira en hann skoraði sigurmark U-21 árs landsliðs Portúgala gegn því íslenska í Víkinni seint á síðasta ári.
Bem-vindo, Fabio ❤️
— Arsenal (@Arsenal) June 21, 2022