Gleison Bremer, varnarmaður ársins á Ítalíu, er tilbúinn að færa sig um set í sumar og komast í stærra félag.
Bremer er 25 ára gamall en hann spilaði með Torino á síðustu leiktíð og gerð virkilega vel í öftustu línu.
Mörg félög eru talin horfa til leikmannsns en líklegast er að Inter Milan vinni þessa baráttu um Brasilíumanninn.
Það er ekkert grín að vera valinn varnarmaður ársins á Ítalíu en þar spila margir frábærir varnarmenn og í mun betri liðum en Torino.
,,Þetta er bara tímaspursmál og svo mun ég yfirgefa Torino. Ég er að skoða nokkra möguleika og svo sjáum við til,“ er haft eftir Bremen.
Það er Fabrizio Romano sem skrifar um þetta mál en hann er einn allra virtasti blaðamaður Evrópu og vantar ekki upp á heimildirnar.