Jack Wilshere, fyrrum leikmaður Arsenal, er steinhissa á því að James Maddison hafi ekki fengið tækifæri með Englandi í nýlegum leikjum í Þjóðadeildinni.
Maddison spilar með Leicester í ensku úrvalsdeildinni og átti fínasta tímabil fyrir liðið sem stóð þó í heildina ekki undir væntingum.
Margir bjuggust við að Maddison yrði valinn í landsliðshópinn í þessu verkefni en annað kom á daginn, því miður fyrir miðjumanninn.
Wilshere er sjálfur fyrrum landsliðsmaður Englands og botnar ekki í því af hverju landi sinn var ekki valinn.
,,Þetta er ansi gróft, sérstaklega þegar kemur að Maddison. Þetta hlýtur að vera persónulegt,“ sagði Wilshere við Talksport.
,,Þegar kemur að því að búa til færi í ensku deildinni er hann í sjötta sæti, sjötta!“